RANKING UNIVERSITI DI MALAYSIA TERUS JATUH

Kerajaan Yaman memutuskan tidak lagi menghantar pelajarnya ke Institut Pendidikan Tinggi Swasta (IPTS) di Malaysia kerana ia hanya mengaut keuntungan.

Akhbar Yemen Times melaporkan, langkah tersebut diambil kerana kualiti buruk pendidikan swasta di Malaysia dan juga kos pengajian yang tinggi.

"Kementerian Pendidikan Tinggi dan Kajian Saintifik memutuskan pada Isnin untuk mengakhiri biasiswa kerajaan Yaman kepada universiti swasta di Malaysia.

"Ini disebabkan kualiti pendidikann yang buruk dan kos tinggi," kata agensi pendidikan Yaman dalam laporan tersebut.

Yemen Times juga memetik pengarah biasiswa di kementerian, Ahmed Al-Rabei sebagai berkata yuran pengajian di IPTS tiga kali ganda tinggi berbanding di institut pengajian awam.

"Bayaran yuran dan tuisyen universiti swasta tiga kali ganda daripada universiti awam.

"Kos belajar di universiti awam di Malaysia dianggarkan kira-kira $1,500 setahun, manakala kos pengajian di universiti swasta pula sebanyak $4,500," kata Ahmed yang dipetik berkata dalam laman berita tersebut.

Menurut laman tersebut, sebanyak 9,000 pelajar Yemen sedang menuntut di Malaysia dan 4,000 daripadanya adalah pelajar universiti swasta.

Laman tersebut memetik Ahmed pada Ogos 2013 lalu ke Malaysia untuk menyelesaikan masalah tersebut di kalangan pelajar Yaman, bagaimanapun ia tidak berhasil sebaliknya pelajar di univesiti swasta bergelut dengan hutang hampir enam tahun lamanya.

Berdasarkan rekod Kementerian Pengajian Tinggi sehingga November 2013, Malaysia mempunyai sebanyak 520 IPTS yang terdiri daripada universiti, kolej universiti dan kampus cawangan luar negara.

Selangor dan Wilayah Persekutuan Kuala Lumpur memiliki IPTS paling banyak.

September tahun lalu, prestasi universiti di Malaysia jatuh lagi selepas kedudukan universiti dunia yang dikeluarkan QS World University Ranking menunjukkan rata-rata kedudukan universiti awam Malaysia terus merosot dalam senarai, dengan hanya Universiti Malaya masih berada dalam kelompok 200 universiti terbaik dunia tahun ini.

Tujuh universiti Malaysia berada dalam kelompok 800, dan Universiti Teknologi Malaysia menunjukkan sedikit peningkatan iaitu daripada kedudukan 358 pada tahun 2012, kepada 355 tahun ini. – 13 Februari, 2014. Sumber : The Malaysian Insider

Ngumpul duit nengah kereja bejait

Fatimah Abdullah meratika kantung ke udah tembu dijait.

IKARANG : ALVESTER BIGOL SULANG
FOTO : SUZANNE EMPAM

Gerempung Seni Bejait Kreatif (PSJK) Malaysia Pampang Sarawak bisi nyediaka kus latih bejait ngagai bala raban orang indu ke bisi pengerindu ba pengawa bejait bepalan ba Palan Latih Kraftangan Epal, Electra House, Kuching.

Chairman iya Fully Chye madah, gerempung tu deka ngatur sebengkah program mandang asil pengawa bejait ke dikumbai 'Konvensyen Evolusio Seni Jahitan Kreatif dan Business Matching Negeri Sarawak 2014'.

Program ke deka diatur sepemanjai 10 hari kena kena 3 ngagai 12 Januari 2014 di Plaza Merdeka, Kuching tu deka berengkah pukul 10.00 pagi nyentuk ngagai 10.00 malam.

Program tu ila deka dipenyadi Chairman Besai PSJK Malaysia empu iya nya Kebawah Duli Yang Teramat Mulia Tengku Puan Pahang Tunku Hajjah Azizah Aminah Maimunah binti Almarhum Sultan Iskandar Al-Haj, DK.,DK (Johor).,SPMJ.

Fully Chye madah, tuju program ke diatur sida nya dikena nerangka ngagai raban orang indu pemanah enggau penguntung asil ari pengawa bejait kelimpah ti ngisi maya lepa enggau pekara ke beguna.

"Asil perengka jait tu ngemeratka pemanah nyaga rampa menua laban nguna perengka ke nadai agi diguna baka ngaga kantung sandik ari tanchut jeans ke nadai agi dikena kelimpah ngaga aksesori fesyen, perengka dikena ngelawa rumah, enggau bemacham perengka asil pengelandik jari.

"Entara asil perengka jait ke deka dipandangka maya tu ila baka karung pangal, selap mija, kantung sandik, kerepai, karung telefon binching enggau mayuh agi ke bukai.

"Siti ari pemujur gerempung tu iya nya bisi nyediaka program betukar barang enggau menua luar lalu naka ke diatu bisi 32 bengkah menua nyengkaum Turki, Perancis, Korea, India enggau Amerika Syarikat udah masuk nyadi kaling program tu," ku iya.
PSJK Malaysia sebengkah ari gerempung ukai perintah (NGO) ke ditumbuh kena 28 Mei 2007. Pengudah lapan taun ditumbuh, gerempung tu diatu ngembuan 16 bengkah pampang ba serata menua Malaysia nyengkaum sebuah pampang di Sarawak.

Penyampau orang ke nyadi kaban PSJK ba serata menua naka ke diatu lebih 8,000 iku lalu di Sarawak lebih 500 iku, ku Fully Chye.

Enggau jaku simpul pengawa bejait endang pengawa ke chukup manah dikena mantaika tanda penyayau, kelimpah ulih nyaga pengelantang ati enggau runding.

Berebak enggau nya, pengawa bejait mega ulih nyukung ngadaka penatai pemisi lalu pengawa ke ngatur konvensyen dikarapka ulih meri peransang ngagai orang indu ba Negeri Sarawak ngemajuka diri nengah pengawa bejait.

Juluk ke besai tusah dijapai enti dikereja kediri tang enti saup ari raban gerempung, perintah, kompeni swasta enggau orang-orang ke udah mayuh peneleba ba pengawa bejait bidang bejait endang ulih meri penguntung.

Entara aktiviti ke bisi nyerumba konvensyen tu ila baka muka bot Eksibisyen Seni Bejait Kreatif dalam enam kategori ke dikumbai A,B,C, D, E enggau F.

Ba Kategori A ; Eksibisyen deka dipandangka bala pengari ari 33 bengkah menua luar di dunya tu. Genap bengkah bot deka mandangka identiti enggau gaya menua diri empu. Nengah bot tu mega bala orang indu ulih mandangka pengasai ati sida ti chukup sayauka orang bukai taja pan bebida penatai asal (menua), bansa enggau jalai pengarap,

Kategori B ; Deka mandangka lebih 150 lambar patchwork quilt ti ngena mayuh bengkah skill bejait lalu dipandangka ba palan eksibisyen,

Ketegori C ; Deka mandangka asil pengawa bejait ti nyangtumka empat batang pekara pun baka pekayan, palan endur diau, pemakai enggau kereban pengangkut,

Kategori D ; Deka mandangka asil pengawa bejait ti bekonsepka 'Recycle, Reuse, Repurpose' lalu nguna perengka kain ke nadai agi diguna baka gari lama, tanchut jeans, antap mija, kain mua empelua enggau mayuh agi ke bukai,

Ketegori E ; Deka mandangka asil pengawa bejait ti setipak enggau aktiviti bejait ungkut nembiak mit lalu berambaika jaku 'Semua Orang Ulih Bejait' (Everyone Can Sew), enggau

Kategeri F ; Deka mandangka lebih ari 200 bansa kantung ke bebida gamal tang semua iya digaga enggau chara bejait ngena kain ulih raban PSJK ke endang rindu bekunsika asil pengelandik enggau penemu sida enggau raban orang indu ba menua tu.

Udah nya dua bengkah agi ke bukai dikumbai Do It Yourself (DIY) enggau 'Business Matching'. DIY tu meri peluang ngagai bala temuai ke bisi datai ngaga projek ke mudah enggau jampat sereta dibantu pengajar ke endang ngembuan pengelandik. Genap bengkah projek dipelabaka tembu dalam timpuh sejam.

Ba 'Business Matching' juluk program tu deka ngelakuka produk-produk asil pengawa bejait ngagai agensi-agensi opis perintah enggau swasta ngambika ulih meri peransang sereta nyukung pesereta bisi ngambi bagi. Pengawa ke bansa tu terang mandangka kerejasama 3P ke dikumbai ungkup 'people', 'public' and 'private'.

Penerang ke silik bekaul enggau PSJK Pampang Sarawak ulih betefon terus nuju Fully Chye ngena lumur 016-3373131 tauka nuju Nora Amit (012-8447290).

Sakit selaput mata ulih diperubat di Sarawak

Bala staf KK1M benung meresa mata pesakit ba KK1M di Hospital Bau. Program tu meri pengandal ati ngagai sapa orang ke bisi ngembuan penanggul selaput mata ngambika ulih diperubat. Bernama.

BAU : Siku orang tuai ke benama, Jonin Nohe, 65, ke ngembuan penanggul ba selaput mata tauka katarak nyau deka putus pengarap merubat mata kanan iya pengudah berundingka ungkus ke besai enti nyema iya bebuntas muai selaut mata.

Jonin ti diau ba Kampung Grogo ba pelilih Bau bisi kala betemu enggau dua iku pakar mata di Kuching, lalu ungkus dikena merubat dua igi mata iya nya manggai RM2,000, lalu penyampau nya dipeda chukup besai ungkup orang tuai ke kurang penatai pemisi baka iya.
   
Taja pan penanggul mata nadai nanggul pengawa ke dikereja iya ninting hari tang laban ke nyadi apai ngagai tujuh iku anak iya ngasaika pengawa ke nguji deka ngubat mata iya nya nyau majak kurang kenyau dalam timpuh setaun ke udah.
   
   
KK1M MAI PENGARAP BARU
   
   
Taja baka nya, pengawa ke ngelancharka Klinik Katarak 1 Malaysia (KK1M) renggat zon Sarawak kena 1 September taun siti ke udah mai pengarap ke baru ngagai Jonin endur ngeraika penanggul mata ke nuntung iya.
   
Maya servis klinik mindah kin kitu tauka KK1M ba Hospital Bau berengkah dipejalai kena 11 Nov tu tadi, Jonin tumu-tumu datai ngelawa hospital nya urung pukul 7.00 pagi dikena bejalaika pengawa beperesa mata enggau pechuma.
   
Hospital Bau nganti gintir ke lumur dua pengelama dua minggu pengudah ke ngaga servis ba Hospital Lundu enggau udah nya ditangkan ke enggau Hospital Serian, Hospital Sri Aman, Hospital Betong enggau Hospital Saratok.
   
Ba bilik beperesa, Jonin bisi pengarap enggau pechaya ngagai perengka moden ke dikena bala staf merubat pesakit.
   
Entara perrengka ke dikena nya dikumbai cheratometer dikena meresa kornea, digital retinal camera dikena meda belakang mata, autolensmeter dikena meda pemanjai leka mata, phacoemulsification dikena nginsap selaput mata sereta enggau mikroskop kena bebuntas.
   
Jonin siku ari 441 iku pesakit ke datai berubat ba KK1M di Hospital Bau lalu pekara ke meri pengaga ati, iya nyadi siku ari orang ke ulih berubat lalu ungkus dikena iya berubat semina RM540.
   
PESAKIT SELAPUT MATA GAGA MEDA PENATAI  KK1M
   
"Gaga besai aku sari tu, ungkus bebuntas ba klinik swasta chukup besai, KK1M semina meri bayar RM540 (ungkus kanta), meri besai terima kasih ngagai perintah ," ku Jonin.
   
Bela ngasaika penyamai ari servis tu iya nya siku orang ke udah pinchin iya nya Limber Nyuai, 74, ari Kampung Sibuluh ke ngembuan penanggul selaput mata ba dua piak mata.
   
Kelimpah ari nya, kena 2001, mata kiba ex pekereja Opis Kereja Raya (JKR) nya bisi kena achuk kayu maya iya muru indu utai ba sebatang pun kayu.
   
Setaun udah nya, mata kaban iya telih pengudah sikuikan lampam
Jawa benung ditangkap iya engkechit lalu nujuk mata iya.

"Enti bayar ba KK1M sebaka berubat ba doktor swasta, aku pan enggai, tang perintah meri rega ke mudah, rugi amat enti enggau berubat," ku Limber
   
Orang tuai nya ngarapka mata iya ke rabun diatu ulih meda utai terang pengudah diperubat ba KK1M.

   
SAKIT MULAN BARU
   
Siku agi orang tuai ari menua Bau, Ijon Kedi, 71, ke ngembuan penanggul selaput mata kenyau ari taun 1985 sereta kala bebuntas dua kali maya taun 1986
ngarapka KK1M ulih mutarka penanggul iya.
   
Iya kala bebuntas muai selaput mata dua kali maya taun 1986 ba Hospital Kuala Lumpur (HKL) tang setaun udah nya, mata iya nadai ulih meda baru.
   
Ijon madah perengka moden ke chukup manah dioatu ngarapka penanggul ke sebaka enda nyadi baru.
   
"Diatu perengka udah moden, bayar mega mudah utai tu ke meransang aku datai berubat," ku iya.
   
Jonin, Limber, enggau Ijon endang sebagi ari beribu iku pesakit selaput mata ke ngulu KK1M ba Sarawak.
   
BAYAR ENDA MAR
   
Gaya program KK1M Zon Sarawak, Dr Mohamad Aziz Salowi madah, klinik mindah kin mitu nya bisi nyediaka servis peresa mata pechuma sereta enggau bebuntas bebuntas mata ungkup semua rayat negeri tu.
   
"Rayat ulih ngasaika pengawa berubat selaput mata ari raban pakar endang udah teleba ngereja pengawa. Nengah rega ke enda mar enggau servis ke manah, KK1M
Zon Sarawak ulih ngurangka pemedis pesakit," ku iya.

Iya madah, bala pegawai sosial perubat deka beratika semua semua pesakit ke ulih diperubat, udah nya sida ke ulih diterima deka diberi kanta enggau ungkus bebuntas pechuma.

"Nyema enda ulih (Ngena kanta enggau bebuntas pechuma) sida dipinta mayar ungkus ke pemadu baruh entara RM500 enggau RM800 dikena meli kanta ke setipak kelimpah ungkus pemadu mimit bebuntas RM103," ku iya.
   
Ungkus tub dipeda jauh mudah enti dibanding enggau ungkus bebuntas selaput mata ba hospital
swasta, ku iya.

Optometris Hospital Besai Sarawak (HUS), ku Hazemie Ku Ismail, ke sama enggau ngereja pengawa meresa mata pesakit ba KK1M madah, servis nya dipeda nerima sukung ke chukup manah.
   
Iya madah, mayuh bengkah pesakit ke nerima servis KK1M beumur lebih 50 taun lalu sida chukup besai pengandal ati servis tu ulih ngeraika penanggul mata sida.

Hazemie madahka, servis KK1M di Sarawak ulih nyapai servis bepelasar ari sukung ke chukup manah.
   
   
KK1M DATAI MERI PENGERAI
   
Sapit Menteri Pengerai, Datuk Seri Dr Hilmi Yahaya madah, pengawa bebuntas selaput mata ba serata menua ba taun 2011 bisi 31,658 iku lalu penyampau nya niki semak tiga kali ganda bebanding 2002 semina 12,798.
   
Ba negeri Sarawak, penyampau orang ke bebuntas mata sepemanjai taun siti ke udah bisi 3,664 bebanding 2,082 maya taun 2008.
   
Projek KK1M Zon Sarawak begunaka ungkus RM1.1 juta nyengkaum servis klinik mindah kin kitu ke dibuka ba semua hospital negeri tu begintir-gintir.

Kebendar iya, KK1M endang mai pengerai ukai semina ngagai rayat Sarawak tang mega ngagai semua pesakit ke ngembuan penanggul selaput mata ba serata menua tu.  BERNAMA

KEJAYAAN BN DAN TRAGEDI BOT KARAM SEJARAH 2013 DI SARAWAK

   
KUCHING, 24 Dis (Bernama) -- Tidak dapat disangkal, 2013 adalah tahun penuh
sejarah di Sarawak, terutama dari segi politik dan kemasyarakatan.
   
Kejayaannya menghadiahkan 25 kerusi parlimen kepada Barisan Nasional (BN)
dalam pilihan raya umum 5 Mei, menyaksikan tujuh anggota parlimen Sarawak
dilantik sebagai menteri penuh dalam kabinet yang diteraju oleh Perdana Menteri
Datuk Seri Najib Tun Razak.
   
Sarawak dan jirannya Sabah menguasai lebih 35 peratus daripada keseluruhan
222 kerusi parlimen.
   
Pelantikan semula Tun Abang Muhammad Salahuddin Abang Barieng, 92, sebagai
Yang Dipertua Negeri pada 5 Dis, menjadi bahan bualan kerana kali ini beliau
akan berkhidmat untuk tempoh yang terlalu singkat iaitu sehingga 28 Feb depan.
   
Beliau merupakan ketua negeri pertama yang berkhidmat sebanyak dua kali
dalam kapasiti itu. Kali pertama beliau dilantik ialah pada April 1977 untuk
satu penggal selama empat tahun dan dilantik kali kedua pada Februari 2001
sehingga sekarang.

Sekalipun beliau berada dalam keadaan sihat walafiat dan aktif jika
dibanding dengan usianya, ramai rakyat di Sarawak tertanya-tanya apa mungkin ini
penggal terakhir beliau.
   
Sementara itu, dalam konvensyen Parti Pesaka Bumiputera Bersatu (PBB) yang
berlangsung dari 18 hingga 22 Okt lepas, Ketua Menteri Tan Sri Abdul Taib Mahmud
sekali lagi diberi mandat untuk memimpin parti tunjang BN Sarawak tersebut,
selepas perwakilan bersetuju jawatan presiden parti tidak dipertandingkan.
   
Pengekalan pemimpin untuk tiga jawatan tertinggi PBB termasuk dua timbalan
yang masing-masing dipegang oleh Timbalan Ketua Menteri Tan Sri Alfred Jabu
(sayap Pesaka) serta Menteri Perumahan dan Kerajaan Tempatan negeri Datuk Amar
Abang Johari Tun Openg (sayap Bumiputera), adalah selari dengan tradisi PBB yang
mahu mengelak perebutan kuasa yang pastinya akan melemahkan parti.
   
Spekulasi mengenai calon ketua negeri juga kedengaran, terutama jika melihat
sejarah sebelum ini apabila Abdul Taib, 77, dilantik menjadi ketua menteri
keempat menggantikan bapa saudaranya Tun Abdul Rahman Yakub yang dilantik
sebagai Yang Dipertua Negeri keempat pada 1981.
   
Dalam pada itu, tidak semua indah dalam BN Sarawak. Parti komponennya Parti
Rakyat Bersatu Sarawak (SUPP), berdepan risiko dibatalkan pendaftaran oleh
Pendaftar Pertubuhan (ROS) susulan konflik dalaman antara Presiden parti Tan Sri
Peter Chin dan kem yang dipimpin oleh Ketua Bahagian Sibu Datuk Seri Wong Soon
Koh, berhubung dakwaan penyelewengan dalam pemilihan parti pada 2011.

Ketua Menteri mahu komuniti Cina bersatu di bawah satu entiti jika SUPP yang
merupakan pertubuhan politik tertua di Sarawak serta pernah mengecap
kegemilangan, gagal menyelesaikan krisis dalamannya.
   
"Saya harap mereka (pemimpin parti) boleh menyelesaikan masalah mereka
bersama-sama dan jika mereka gagal, saya mahu lihat kaum Cina kembali bersatu di
bawah satu pertubuhan," kata Abdul Taib yang juga Pengerusi BN Sarawak kepada
pemberita ketika merasmikan penyampaian Anugerah Khas Ketua Menteri Sarawak
Yayasan Sarawak 2012, di sini pada 11 Dis lalu.
   
Beliau bagaimanapun enggan mengulas sama ada kenyataannya itu bermakna akan
ada pertubuhan politik baharu yang membabitkan penyertaan anggota dari kedua-dua
pihak bersengketa dalam SUPP, bagi mengisi kekosongan parti kaum Cina dalam
gabungan BN negeri.
   
Luka SUPP bertambah parah apabila merekodkan prestasi buruk dalam pilihan
raya perlimen. Parti itu kalah dalam enam daripada tujuh kerusi yang
ditandinginya, jauh berbeza dengan PBB serta dua lagi parti komponen yang lebih
kecil iaitu Parti Rakyat Sarawak (PRS) dan Parti Demokratik Progresif Sarawak
(SPDP).
   
Mengenai kewujudan lima parti baharu iaitu Parti Ekonomi Rakyat Sarawak
Bersatu (PERSB), Parti Bumi Kenyalang (PBK), Parti Bansa Dayak Sarawak Baru
(PBDS Baru), People’s Alliance for Justice of Peace dan Parti Tenaga Rakyat
Sarawak (Teras) yang pendaftarannya diluluskan oleh ROS pada Ogos lepas, Abdul
Taib berkata mereka tidak akan menggugat kedudukan BN Sarawak.

Dalam pada itu, tragedi bot 'Kawan Mas' yang karam di Sungai Rajang,
berhampiran Giam Bungan di Belaga pada 28 Mei dan meragut tiga nyawa, membawa
suram kepada sambutan Hari Gawai.
   
Rata-rata 159 penumpang yang selamat berkongsi cerita mengenai sikap haloba
pengusaha bot yang mengetepikan aspek keselamatan dan mengambil kesempatan
daripada sambutan Gawai dengan memuatkan penumpang berlebihan.
   
Bagi pemandu trak Felix Linggi, 27, yang dalam perjalanan pulang ke Kapit
dari kem pembalakan di Bakun, tragedi itu merupakan saat paling menakutkan dalam
hidupnya.             
   
Setiap yang terselamat menerima sumbangan wang tunai RM1,000, manakala waris
penumpang yang maut pula menerima RM10,000 masing-masing, yang disalur oleh
Majlis Keselamatan Negara dan Gagasan 1Malaysia.
   
Ketika menghadiri jamuan malam Gawai Dayak di sini, Najib yang sedih dengan
tragedi itu mengumumkan peruntukan RM400 juta untuk pembinaan jalan sepanjang 33
kilometer dari Song ke Kapit, selain sebuah jambatan di Kanowit untuk memudahkan
perjalanan darat ke Sibu. 
   
Dalam majlis itu yang merupakan antara perayaan utama di Sarawak dan dirai
oleh komuniti Dayak, juga menyaksikan tiga penduduk - Harudis Busan, 42; Naries
Busan, 36; dan Kimi Tanjung, 32 - dari Rumah Panjang Sekupan di Belaga, diangkat
sebagai wira atas jasa menyelamatkan ramai penumpang, dan masing-masing menerima
RM3,000 sebagai penghargaan kerajaan.
   
Sementara itu, sebagai cerminan sikap toleransi rakyat di Sarawak, Abdul
Taib berkata kalimah 'Allah' yang menjadi isu di Semenanjung, tidak menjadi
kudis di negeri berkenaan dan keputusan Mahkamah Rayuan mengenai kes tersebut
tidak terpakai di Sarawak dan Sabah. Bernama.

UCAPAN SELAMAT HARI RAYA AIDILFITRI 2013

Salam sejahtera, 

Dengan rasa sukacita saya ingin mengucapkan Selamat Hari Raya Aidilfitri kepada seluruh umat muslim khasnya umat muslim di Negeri Sarawak. Kesempatan ini saya mendoakan semoga semuanya berada dalam keadaan sihat walafiat dan bergembira disamping keluarga dan sanak saudara tercinta .

YB Baru Bian

Hari raya disambut dengan penuh kesyukuran dan hari lebaran adalah susulan kejayaan umat Islam dalam mengerjakan ibadah puasa sebulan Ramadhan. 

Dalam mana-mana kepercayaan, puasa mempunyai hikmah kurniaan Allah. Puasa mengajar umatnya supaya tidak tamak keduniaan. 

Supaya manusia tidak dipengaruhi oleh kesenangan dunia semata-mata. Supaya manusia mengerti bagaimana kepayahan yang dialami oleh fakir-fakir yang terpaksa belapar kerana kemiskinan.

Sesungguhnya kehidupan di dunia ini adalah sementara; justeru bermegah-megah dengan bangunan, berbangga-bangga dengan kekayaan hanya akan melalaikan umat manusia, malah akan membawa kesengsaraan dan kemusnahan. 

Sesungguhnya manusia hanyalah pengembara, lantas manusia diseru oleh setiap kepercayaan supaya mengamalkan kehidupan yang sederhana dengan tidak menindas sesama umat manusia dan menghindarkan diri dari bersikap tamak. 

Ini kerana sifat-sifat sedemikian hanya akan mendorong manusia itu mengetepikan pahala dan melakukan dosa lalu mengamalkan rasuah dan penyelewengan disebabkan keinginan bermewah-mewah. Mereka tidak dapat mengenali mana satu rezeki yang halal dan mana satu rezeki yang haram. Jauh sekali untuk mengingati syurga dan neraka.

Semoga kesyukuran menyambut hari lebaran ini, akan disusuli dengan semangat kecintaan dan perpaduan dikalangan umat berbagai bangsa dan agama. 

Semangat ziarah menziarahi akan kita teruskan, tanda keakraban kita bersaudara, berjiran dan bertaulan. 

Menzahir dan mendoakan melalui ucapan-ucapan yang baik dan sempurna akan merapatkan lagi hubungan sesama kita.

 Janganlah ada diantara kita yang menaruh syak wasangka yang melampau yang akhirnya akan menimbulkan permusuhan sesama kita. 

Terutama sekali isu-isu yang membabitkan agama dan bangsa. Saya penuh yakin bahawa rakyat negara kita sudah cukup matang untuk tidak terikut-ikut rentak sesetengah pihak yang tidak bertanggungjawab yang mengapi-apikan isu-isu perkauman dan agama. 

Sikap yang terlalu mementingkan diri sendiri begini tidak patut dilakukan, kerana setiap kepercayaan adalah bermatlamat keesaan Tuhan; yang menyeru kepada kebaikan, keharmonian dan keamanan sejagat. 

Justeru saya berkayakinan bahawa perayaan sebegini boleh dijadikan wadah untuk membentuk sebuah masyarakat yang bersatu padu. 

Sejak akhir-akhir ini kita telah dikejutkan dengan rencam jenayah yang diluar jangkaan kita. Sebuah negara yang dikatakan aman damai telah dikejutkan dengan insiden-insiden pembunuhan demi pembunuhan menggunakan senjata api. 

Kita juga dikejutkan dengan kematian demi kematian disebabkan kemalangan jalan raya, khasnya yang berlaku di negeri kita yang tercinta ini.

Insiden kemalangan maut yang menimpa empat orang kakitangan JAKIM baru-baru ini sangat menyedihkan. 

Kita melahirkan rasa dukacita dan sangat bersimpati dengan keluarga-keluarga yang terlibat. Saya berdoa semoga keluarga yang terlibat tabah dan bersabar atas dugaan ini.

Sesunggguhnya kejadian-kejadian tersebut juga berkait rapat dengan sistem pemerintahan kita. 

Pihak berwajib harus segera menangani jenayah pembunuhan bersenjata api dengan kadar yang segera, manakala pihak berwajib juga harus menyegerakan pembinaan jalan raya yang lebih sempurna dan selamat khasnya di negeri Sarawak ini. 

Kita tidak boleh serah sebulat-bulatnya dengan kuasa takdir. Dalam masa yang sama rakyat diseru bekerjasama dan lebih berhati-hati dalam hal keselamatan diri dan harta benda. 

Di hari yang mulia ini, marilah kita bersama-bersama berdoa semoga kita dijauhi mala petaka yang tidak diingini. Semoga kita semua berada dalam keadaan sihat dan selamat.

ANYAM KETUPAT DI PAGI HARI

RENDANG DAGING SUDAH DISEDIA

SELAMAT HARI RAYA AIDILFITRI

DARI SAYA SEISI KELUARGA.

Selamat Hari Raya Aidil Fitri, Maaf Zahir Dan Batin

Baru Bian

ADUN N70 Ba’ Kelalan

Sejarah Aki Dunging

GAYA gambar dero Dunging empu.

Ulih VALENTINE TAWIE SALOK
             Ditusun MAR

SEKALI ba pasar kubui Saratok menya dalam taun 1968, orang  penuh betugung ba kaki lima ba senentang kedai Achu tauka Chop Hock Guan.

Sida benung gagit nunga siku apai tuai orang ke ngena ketupi kain  lalu bejual mayuh bengkah barang ke jejangah duduk ba geladak kaki lima nya melakang tunga kedai nya.

Lebuh aku ngansak semak agi dia aku meda sekeda utai jual iya ngengkaum bala sida anggup ragum digaga ari tin kering, kasut getah, tanggui ari kerupuk enggau tinchin ‘tusah ati’. Nyadi tinchin nya bepasuk enggau beluit ba pangan diri lalu enda tau dibuka sengapa enggai ka enda ulih pasang pulai baru. Nya alai iya dikumbai tusah ati. Mayuh amat ga mensia meli pada aku. Rega iya dijual seringgit siti.

“Semua tu ukai ulih ari nunda. Tu ulih aku nengkebang magang.”

Nya meh keterubah aku meda sereta merati ka orang ke benama Dunging anak Gunggu.

Lama ga udah kala ninga sereta meda utai gaga iya tang enda kala meda tubuh iya.

Terubah aku nemu rita Dunging tu kena taun 1964 menya. Nyadi lebuh Gawai Antu orang ba rumah panjai Sungai Belong ba dalam batang Malupa pati Krian di Saratok dia Dunging tu bisi nyadung utai chelak iya. Nyadi nya bisi ngundan gambar dero iya empu ngena ngepan Iban. Ba tisi gambar dero iya bisi diselitka tulis romanised sereta mega dalam alphabet Iban ke ditengkebang iya empu. Utai ke ditulis iya nya ke ulih bacha aku dalam ayat romanised, iya nya pasal tusut turun temurun Dunging empu sampai ngagai Sengalang Burung.

Nyadi ba reti tusut iya mansik tauka nentuka berapa serak bala sida sebilik nya  semak tauka ngejang ari Sengalang Burung, ke nyadi ka petara bumai betupi ba pengarap lama Iban.

Siti ari utai ke dichelak iya – sangka aku ngena injin penyelak gaga iya empu – iya nya pasal ‘carta organisasi’ ba sekula ti endur iya ngajar bala sekeda anembiak rambau nya kelia pasal urup tulis Iban ke digaga iya empu.  Sekula nya, nunda ba utai ke disadung iya nya, diberi iya nama Sekula Sera Gunting (Sera Gunting School) iya nya ngangkat ka nama uchu Sengalang Burung, anak Menggin seduai Dara Tinchin Temaga, iya nya anak tuai Sengalang Burung, ke disebut dalam leka main sereta jaku tuai Iban Aku Lang Sengalang Burung, Aki Bejugu Menaul Tuntung.

Mayuh ga utai udah didinga pasal Dunging, tang iya ke nyemetak agi nya ari tusui aya aku Stephen Sembilan anak Ambas ari Nanga Tut, Rimbas. Nanga Tut tu enda jauh ari rumah panjai Dunging ba Nanga Ulai dalam Rimbas, pati Batang Saribas. Utai ke ditusui tuai aya nya enda mangat silik tang iya udah nyidi sekeda pengawa enggau utai ke udah dikereja Dunging datai ka iya nyau tebilang rita lebih agi ba genturung pendiau menua di Rimbas, Layar, Batang Krian, sekeda menua ba Batang Lupar, Bintangor enggau Sarikei.

Ba renggat tu aku nguji mansutka sekeda ari pengawa Dunging ke udah ngasuh iya bisi berupai nyelaie sereta nyulut pengelandik ari kitai Iban ke bukai. Iya ke udah, tu meh keterubah iya siku bansa kita udah bisi pansut nama bisi penemu enggau pengelandik ngaga mayuh bengkah utai.

Kenu ku tusui aya Stephen, Dunging tu endang udah bujang ba taun 1925. Iya endang udah bisi pengelandik jari baka ngukir, ngambuh, ngaga chapak mangkuk, ngaga sugu ari kayu tapang. Iya udah nguji ngaga ruding ari selung enggau ari takang aping. Iya mega bisi ngaga kesuling ari buluh. Siti agi utai ke bisi digaga iya nya engkerurai ari labu selaing enggau buluh lapan iti,  lalu dilah iya digaga ari temiang.

Kelimpah ari rengka tebah musik asal nya tadi iya mega bisi nguji ngaga rebap ari tachu nyiur.  Dunging mega bisi ngaga enyakun (nyau ka baka sapek) ari kayu empalaie betali dua iti ari rutan. Semua utai ke disebut nya tadi endang perengka dikena bemain musik asal kitai Iban.

Ba taun 1930 lebuh Gawai Antu di Nanga Ulai (rumah sida empu), Dunging bisi ngaga kipas angin ari kayu. Kipas tu tau bepusin ari kuasa injin kaki ari jauh. Iya tau bepusin ari sadau lalu nyepu bala pengabang lebuh ke duduk tauka mansa ruai iya.

Iya mega bisi ngaga gasing kena nabu ubung. Dulu ari nya iya endang udah bisi nanam kayu taya. Buah taya ti udah mansau lalu diketau, sereta lalu dipalu ba tikai ngena rutan ke digaga ka iya ambi ka pemalu taya empu. Nya baru digasing ngena gasing nya tadi sereta lalu jadi ka ubung. Ubung Dunging tu mayuh udah dikena bala indu sida semenua kena nenun kain, pua kumbu enggau utai bukai.

Kelimpah ari nya, Dunging udah mega ngaga ketupi ari kayu empalaie enggau ari kulit kayu tekalung. Iya mega ngaga pua, baju enggau tanchut ari kulit kayu tekalung. Utai ke digaga iya nya endang dichunto ba iya empu lalu gari nya dikena iya kulu kili. Orang bukai ke bisi pengerindu meda utai nya tadi ulih ga meli ari iya sereta lalu meri chunto sukat diri empu.

Siti agi utai ke bisi digaga Dunging iya nya minyak wangi. Tu digaga iya ari rakit bunga kayu enggau daun kayu babas champur enggau bunga tanam. Nyadi bunga tanam ke dikena iya baka Bunga Kapu, Bunga But, Bunga Ruku, Bunga Gerempung, Bunga Rajang, Bunga, chekur enggau lia. Sekeda ari kayu tauka bunga kampung ke dikena iya baka sida Bunga Seminggu, Bunga Empaka, Bunga Kepudak, Bung Innus, Bunga Mutik, Bunga Kemarik, Bunga Kupi enggau Bunga Pakan.  Bisi empat puluh bansa utai dichampur ka iya kena ngaga minyak wangi.

Semua utai nya tadi lalu dichampur enggau tepus, paku ikan, paku lilin, kayu garu, buah kayu balung, kupak pauu enggau buah kepayang. Nyadi lalu dipegulaika iya semua utai ke disebut nya tadi sereta lalu dibalut ngena gari utai tauka pua. Panduk ngena periuk temaga, lalu ditumbak ka ba dalam tanah.  Periuk nya tunsang lalu mua periuk nya diselap enggau batang tepus ti udah dipalu sereta enggau daun paku nya tadi. Burit periuk ditunu enggau api, lalu mua periuk nya diterima ngena mayang pinang tauka kulit kayu. Udah nya kaus iya labuh ngagai  teradu nya tadi lalu diterima ngena tachu nyiur.

Udah nya dalam taun 1936, Dunging nguji ngaga injin kena ngaga ngeli. Pengawa iya tu enda tentu mujur. Enam hari iya udah nguji injin tu, iya pan lalu enda nyadi. Malam hari ke enam nya iya tinduk lalu bisi mimpi ti munyi.

Dalam mimpi iya asai ke benung ngaga injin ngeli.  Dia iya berasai tusah ati ensepi pengawa iya enda mujur. Lalu asai ke datai indu orang putih, bansa ribai.  Indu nya lalu nanya nama kebuah iya tak kelalu tusah gamal. Dunging pan lalu nerang ngagai indu nya madah ka pengawa iya lalu enda jadi-jadi. Nya ti ngenusahka ati iya. Dia indu nya lalu ngasuh Dunging nelentangka tapa jari iya. Indu ribai nya lalu bejaku, “Nuan Dunging, semua orang nadai pelajar nadai pandai ari nuan, laban jari kanan nuan tu bisi diengkah Jesus pijar.” Dunging pan lalu tedani.

Udah bekau bemimpi nya iya lalu beperansang ngaga mayuh agi bengkah utai. Injin ngeli iya pan lalu jadi. Ari nya iya lalu berengkah ngaga ngeli. Siku ari orang ba pelilih menua kami bisi ngena ngeli gaga Dunging iya nya niang aki aku bilik sepiak menya ke benama Jerampang anak Saat ke bensumbar ‘Pintu Batu Nanga Igan, Indu Balu Tengah Malam’. Endang tak enda nemu pemanah niang Jerampang menya ngena ngeli gaga Dunging. Ngeli nya bisi kuning mimit enda tentu burak baka ngeli batu gaga ba Cina. Tang manah amat dipeda. Nunda ku cherita iya enchabut ngeli ngena anggup besi mit tang enda pedis laban iya ngena puchau pemenat.

Sebengkah ari pengawa iya ti agi bisi dipeda sampai ka seharitu iya nya kebun getah iya ti bisi nyelaie agi ari enggi orang bukai. Iya endang bisi mayuh kebun getah ke alai sekeda bala sida serumah nya bekereja bebagi dua enggau iya. Nyau keleju iya pan nanam baru kayu getah bisi 25,000 pun. Nitihka padah iya empu maya agi idup suba utai tu dikereja iya dalam taun 1932, ku aya Sembilan. Nyadi semua getah nya ditanam ba tanah ke bisi renjan mimit ba serantu jalai ari rumah panjai orang Danau ngagai rumah panjai Ulu Bayur. Kira ke ba tebiang meh endur iya nanam getah nya tadi.

Udah getah nya tau dikereja iya pan ngaga panchung ba tiap batang getah nunga awak ka nitik ngagai siti batang payan ke udah dibelah dua. Nyadi payan nya baka tungga lalu nitik ngagai siti beledi besai ke nyadi chuban. Datai ka bepuluh iti pun getah ke bekunsi ka siti chuban beledi nya tadi.  Pengawa tu manah amat laban iya ngurangka jam muat sereta awak ka enda ibuh ngaga chuban mayuh. Tang utai nya enda nunda ka ati iya. Nyau ujung-ujung orang ke bekereja dia nyau ngurang ka pemayuh batang getah ke bekunsi ka siti chuban. Kebuah pia laban enti kelalu panjai batang payan ambi ka jalai ai getah mansang ngagai chuban, ai getah nyau meku serantu jalai apin datai ba chuban. Nya alai enda tentu mujur projek getah ba tebiang bakanya.

Dulu ari tu, apin ke nanam kayu getah ke ngemayuh nya, Dunging endang udah bisi ngaga injin getah ari kayu kering. Nyadi injin tu ambika kena nginjin getah sida iya empu. Laban getah endang sigi mayuh, nyadi Dunging kira ka bulih amat duit ari getah. Orang ke ngereja getah iya pan mayuh ga. Nya alai ba menua sida Nanga Ulai endang jarang ke bisi bulih agi belanja ari Dunging.

Cherita pengawa iya ke bukai lebih agi ke ngajar bala anembiak ba menua ke besemak dia urup jaku Iban ke ditengkebang iya – sekula nya dikumbai iya Sekula Sera Gunting – nyangka deka ditampung ba renggat dudi ila.

HARI MUZIUM ANTARABANSA 2013

TERIMA KASIH...Tan Sri Dato Sri William Mawan nerima tepa ari Pengarah Muzium Sarawak Ipoi Datan lalu dikemataka Kepala Pengarah Muzium Malaysia Dato' Ibrahim Ismail beserimbai enggau Pengerami Nutup Hari Muzium Antarabansa 2013 ke diatur ba sebengkah hotel tebilang ba Kuching.

ALVESTER BIGOL SULANG

Hari Muzium ke dirami opis-opis muzium ba serata dunya kena 18 Mei ninting taun kebendar iya asil ari penemu ke dipansut dalam Aum Besai Muzium Antarabansa Ke-12 maya taun 1977.

Pengerami ke disambut tau tu endang meri pangka ke chukup besai ngagai dunya muzium laban mayuh bengkah program bisi diatur dikena narit penatai temuai beraban-raban ngelawa muzium.

Pengerami Hari Muzium tu asil ari buah penemu Opis Muzium Antarabansa (ICOM) lalu nerima sukung ke chukup manah ari 102 bengkah menua ke bisi ngambi bagi dalam ngerembaika pengerami tu.

Ba Malaysia, pengerami tu nandaka pemanah perintah meri basa ngagai muzium dalam bejalaika tanggung pengawa ngempung pesaka bansa enggau menua tu. Pengerami tu disambut ke Ke-17 kali taun tu ba menua kitai.

Ba taun tu mega, ICOm udah netapka rambai jaku ke dikena iya nya "Muzium (Pengingat + Pengelandik = Ubah Sosial)".

Opis muzium sekumbang dua tu dipeda bebendar ngayan, nyaga, sereta ngelakuka pesaka bansa enggau menua lalu tu meh pekara ke pemadu manah dikena ngangkatka rita muzium menua kitai.

Chara tradisional enggau pengelandik jeman moden disegulai ngambika meri pangka positif ngagai mensia mayuh enggau opis muzium.

Pengerami Hari Muzium Antarabansa (HMA) 2013 ke disambut ba serata dunya meri peluang ngagai mensia mayuh beratika pengelandik opis muzium dalam ngerembaika pemansang bansa enggau menua.

Tuju HMA disambut ninting taun iya nya; Dikena ngiri penemu ngagai mensia mayuh senentang tanggungjawap opis muzium dalam pengidup. Dikena bebasaka perintah ke udah mayuh nulung ngangatka pemanah rita opis muzium. Meri peluang ngagai mensia mayuh ngelawa, nemu penerang senentang muzium sereta masuk program ke diatur muzium. Nempa pengerindu mensia mayuh awakka bela nyaga pesaka bansa enggau menua. Nambahka penemu ngagai staf muzium chara beunding lebih profesional awakka muzium majak dikerinduka mensia mayuh. Nempa penyerakup sereta kaul kerejasama ke terit anatara staf muzium Malaysia.

Logo Hari Muzium Antarabansa 2013

Berengkah ari taun 1992 ICOM udah ngaga pemutus netapka rambai jaku ke engkeman nyerumba Pengerami HMA. Antara rambau jaku ke udah kala dikena bepun taun 1992 nyentuk ngagai 2013 iya nya ; Museum and Environt (1992), Museum and Indigenous People (1993), Behind The Scene in Museums (1994), Response and Responsibility (1995), Collecting Today For Tomorrow (1996), The fight Againts Illicit Trafic Of Cultural Property (1997), The Fight Againts Illicit Trafic Of Cultural Property (1998), Pleasuares Of Discovery (1999), Museum For Peace and Harmony In Socity (2000), Museums : Building Comunity (2001), Museums And Globalisation (2002), Museums And Freinds (2003), Museums And Intangible Heritage (2004), Museums Bridging Culture (2005), Museums And Young People (2006), Museums And Universal Heritage (2007), Museums As Agent Of Sosial Change And Development (2008), Museums & Tourism (2009), Museums for Sosial Harmony (2010), Museums And Memories (2011), Museum In A Change World (2012) enggau Museum (Memories + Creativity) = Social Change (2013).

Taja pan pengerami HMA tu disambut 102 menua ke nyadi kaban ICOM berengkah ari taun 1977 tang menua Malasia belabuh nyambut pengerami tu ba taun 1997 diatur Jabatan Muzium enggau Antikuiti bepalan ba Pusat Latihan Polis (PULAPOL), Kuala Lumpur.

Pengerami HMA disambut ba Malaysia bisi penyelai mimit laban disambut begintir-gintir ba negeri-negeri ke bisi ba Malaysia. Rintai palan kala endur nyambut pengerami Hari Muzium ba Malaysia iya nya ; Pusat Latihan Polis (PULAPOL) diatur Jabatan Muzium enggau Antikuiti (1997), Kuala Terengganu diatur Lembaga Muzium Negeri Terengganu (1998), Pulau Langkawi, Kedah diatur Perbadanan Pembangunan Langkawi (1999), Melaka Bandaraya Bersejarah diatur Perbadanan Muzium Melaka (PERZIM) (2000), Kota Kinabalu, Sabah diatur Jabatan Muzium Sabah (2001), Kuantan, Pahang diatur Lembaga Muzium Negeri Pahang (2002), Kuching, Sarawak diatur Jabatan Muzium Sarawak (2003), Pusat Latihan Bank Simpanan Nasional, Bangi Selangor diatur Jabatan Muzium enggau Antikuiti (2004), Johor Bahru diatur Yayasan Warisan Johor (2005), Pulau Langkawi diatur Perbadanan Pembangunan Langkawi (2006), Melaka Bandaraya Bersejarah diatur Perbadanan Muzium Melaka (2007), Bangi, Selangor diatur Jabatan Muzium Malaysia (2008), Terengganu diatur Lembaga Muzium Negeri Terengganu (2009), Labuan diatur Jabatan Muzium Sabah (2010), Seremban, Negeri Sembilan diatur Lembaga Muzium Negeri Sembilan (2011), Kuantan, Pahang diatur Lembaga Muzium Negeri Pahang (2012), enggau ba Kuching, Sarawak diatur Jabatan Muzium Sarawak (2013).

Taun tu, HMA disambut kena 22 ngagai 27 Mei 2013. Bisi 12 bengkah program diatur Jabatan Muzium Sarawak (JMS) beserimbai enggau pengerami HMA ke sekali tu.

Program keterubah diatur JMS dikumbai Eksibisyen Khas. Eksibisyen tu berambaika jaku "Muzium Enggau Pengingat". Bela bisi ngambi bagi dalam eksibisyen tu iya nya muzium-muzium negeri, muzium jabatan sereta institusi ke besangkut paut. Genap bengkah muzium mandangka eksibisyen ke bebida enggau pangan diri seninjik enggau rambau jaku ke udah ditentuka JMS. Bisi 21 buah muzium ngambi bagi lalu palan endur sida mantaika eksibsyen tu iya nya ba balai Muzium Negeri Sarawak, Kuching. Eksibyen tu belabuh diatur 22 ngagai 26 Mei 2013.

Antara muzium-muzium ke ke bisi ngambi bagi tu enggau nama eksibisyen sida iya nya ; Jabatan Muzium Malaysia ngena eksibisyen ke dikumbai "Topeng", PERZIM (Kapal Selam), Muzium Negeri Pahang (Seni Jari), PADAT (Memori 25 Tahun), Yayasan Warisan Johor (Kuda Kepang & barongan), Muzium Negeri Kelantan (Koleksi Islam), Muzium enggau Balai Seni Pulau Piang (Popular Muzicz 1940s/1950s/1960s), Lembaga Muzium Negeri Perak (Tekat), Muzium Seni Asi (Anatomi), Muzium Telekom (Sejarah Telekomunikasi), Muzium Negeri Kedah (Wayang Kulit), Jabatan Muzium Sabah (Pakaian Tradisi), Muzium TUDM (Penguasaan Teknologi Teras Keupayaan), Lembaga Muzium Negeri Sembilan (Kebesaran Diraja), Lembaga Muzium Negeri Terengganu (Mencanting Batik), Muzium PDRM (Persenjataan), Muzium ATM (50 tahun Pertahanan), Muzium Perkayuan Sarawak (Sejarah Perkayuan), Muzium Nelayan Johor (Muzium Nelayan & Pembangunan KEJORA), Kraftangan Malaysia (Jualan Kraf) enggau Muzium Autralia (Australian Aborigines).

Nangkan ke nya, Pengerami Makai Malam Pengelantang Muzium endang nyadika atur program ninting taun dikena ngelaluka penatai bala pengari enggau ngerapitka kaul antara sida. Pengerami tu diatur kena 22 Mei bepalan ba Kompleks Islam Sarawak lalu temuai dipebasa dikanggau datai iya nya Seketeri Perintah Negeri Sarawak Tan Sri Datuk Amar Haji Mohammad Morshidi Abdul Ghani.

Pengerami HMA peringakt menua 2013 dipenyadi Kepala Menteri Sarawak Pehin Sri Abdul Taib Mahmud kena 23 Mei bepalan ba Dewan Tun Abdul Razak, Kuching.

Mua ke lemai diatur mega, sebengkah Seminar HMA bepalan ba Hotel Merdeka, Kuching berambaika jaku "Memory and Creativity in Rock Art". Antara pembentang keretas kereja ke bisi ngambi bagi enggau nama jurai sida ia nya; prof. Dr. Stephen Chia ari Universiti Sains Malaysia, Pulau Pinang enggau jurai Rock Painting of Malaysia, Bapak Achmad Sopandi Hasan ari Univesiti Negeri Jakarta, Indonesia (Rock Art in Kalimantan, Indonesia), Prof Dr Paul Tacon ari Griffith University, Australia (The Protect Australia's Spirit Campaign : Our Unique Rock Art Under Threat, Prof. Dr. Darren Curnoe ari New South Wales University, Australia (Challenges Posed By the "Extended Synthesis" of Evolutionary Biology for Intreting and Presenting Human Origins enggau Dr. Amara Srisuchat ari National Museum, Thailand (Rock Art in Thailand : A Legacy of the Past.

Enda tinggal mega diatur Pengawa Tahlil engga Macha Yasin begulai enggau anak patu balu bepalan ba Surau Kompleks Kebajikan Laila Taib, Petra jaya.

Tuju program Muzium enggau Mensia Mayuh ke diatur kena 24 Mei bepalan ba Kampung Pasir Panjang kebendar iya dikena ngerapitka kaul antara muzium enggau mensia mayuh. Bela bisi enggau ngemujurka program tu iya  nya Kaban Kunsil Negeri (ADUN) Pantai Damai Dr Abdul Rahman Junaidi.

Mua ke lemai diatur pekit main bowling ungkup bala Pengarah-Pengarah muzium enggau tim ari Seketeri Perintah Negeri Sarawak. Main tu diatur bepalan ba Riverside Superbowl, Kuching.

Kelimpah ari nya, beserimbai enggau HMA 2013 pengatur bisi ngatur pengawa raun ngagai sekeda palan ke manah-manah ti bisi Sarawak iya nya ngagai Serikin, Gua Angin, Medan Niaga Satok, Muzium Kuching, ASTANA, Dewan Undang Negeri Baru, Permaidani Boyan - Gersik -Surabay (Tauke Kek Lapis).

Bela bisi diatur iya nya Main Bol Antara Bala Pemesai Muzium ngelaban tim Media. Main tu diatur ba Stadium Negeri lemai 25 Mei dikena ngerapitka kaul antara staf muzium enggau raban media.

Ba hari ke penudi iya kena 26 Mei bisi diatur program Museum Historical Walk ungkup staf muzium enggau mensia mayuh. Program tu diatur bepalan ba Padang SMK St. Thomas.

Nangkan ke nya, diatur mega Karnival Lumba Hari Muzium Antarabansa Tikas Bansa 2013 ungkup staf muzium aja. Antara main ke bisi dipelabanka bala pengari iya nya pekit nungku padi, ngupak buah nyiur, ngupak jagung, nyumpit (antara pengarah muzium) enggau bebatak tali. Tuju program tu diatur dikena ngetanka main asal awakka enda punas.

Pengawa nutup pengerami HMA 2013 diatur ba Hotel Riverside Kuching. Pengerami tu dipenyadi Menteri Pemansang Sosial Sarawak Tan Sri Dato Sri William Mawan Ikom.